თამაშიდან თამაშამდე კარიმი ძალებს იკრებს.

სტატისტიკურად დამტკიცებულია, რომ კონკურენციის პირობებში ფრანგი შემტევი ნაკლებად ეფექტურია. თუმცა, იანვარში მადრიდის "რეალის" ფრანგმა შემტევმა კარიმ ბენზემამ საუკეთესო შედეგი აჩვენა. სამეფო კლუბის 9-იანმა 2014 წელს ჩატარებულ ექვს შეხვედრაში 5 გოლის გატანა მოახერხა („სელტა“, „ოსასუნა“, „ბეტისი“, „ესპანიოლი“, „გრანადა“), ხოლო მიმდინარე სეზონში ჩატარებულ 29 დაპირისპირებაში, 15-ჯერ გაახარა გულშემატკივარი, რასაც 5 საგოლე გადაცემაც დაუმატა.

ანჩელოტის აზრით, ბენზემას პრობლემები ჰქონდა თავდაჯერებულობის კუთხით და ამ ეტაპზე ყველაფერი მოგვარებულია. მისი მადრიდული კარიერის მანძილზე 2014 წელში გატანილი 5 გოლი საუკეთესო შედეგია.