"ციურიხის" მთავარმა მწვრთნელმა ბერნარდ შალანდმა განაცხადა, რომ მის ფეხბურთელებს არ ეშინიათ "სანტიაგო ბერნაბეუზე" თამაშის.

შვეიცარიელთა მწვრთნელი თვლის, რომ გუნდს "მილანთან" სტუმრად გამარჯვებამ დიდი სამსახური გაუწია. "არაფრის გვეშინია" – განაცხადა შალანდმა პრესკონფერენციაზე. "ვიცით, როგორ უნდა ვითამაშოთ. მართალია ბოლო მატჩებში ჩემი გუნდი ცუდად გამოიყურება, მაგრამ ფეხბურთელებს იმედი მაქვს. მათ ისევე უნდა ითამაშონ, როგორც ეს "სან სიროზე" გააკეთეს".

"ყველაფერი უნდა გავაკეთოთ, რათა დადებით შედეგს მივაღწიოთ. ვფიქრობ, შეგვიძლია კარგად თამაში".

კრისტიანო რონალდოს დაბრუნების შესახებ "ციურიხის" მწვრთნელმა შემდეგი განაცხადა: "კრისტიანო არაჩვეულებრივი ფეხბურთელია, მაგრამ მადრიდელებს ჰყავთ ასევე ბენზემა, რაული და იგუაინი, რომელთაც არანაკლებ შეუძლიათ ხიფათის შექმნა". შეგახსენებთ, რომ რონალდომ პირველ მატჩში შვეიცარიელები ორი გოლით "დაასაჩუქრა".

"ციურიხი" გამოეთიშა შვეიცარიის თასზე ბრძოლას და შალანდს იმედი აქვს, რომ ეს იმოქმედებს გუნდზე და გამოცოცხლდება. "შესაძლოა ეს სასიამოვნო იყოს ჩვენთვის "ბერნაბეუზე" ვიზიტის წინ. გვსურს მოვიგოთ ეს შეხვედრა. ყველა ფეხბურთელი მოტივირებულია და მზადაა ბოლომდე საბრძოლველად" – განაცხადა შვეიცარიელთა დამრიგებელმა.


ინფორმაციის წყარო: Defensacentral.com