მოდრიჩის არყოფნის პირობებში, ბასკმა საყრდენმა მოირგო გუნდის მესაჭის ფუნქციები.

განვლილ სათასო დაპირისპირებაში, ჩაბი 90 წუთის განმავლობაში აკონტროლებდა სიტუაციას მწვანე მინდორზე.ბურთის გამომუშავებაში, ერთი შეხებით პასებში, სწრაფ გადაადგილებებში და კიდევ ბევრ სხვა კომპონენტში, ალონსო საუკეთესო იყო მადრიდელთა მხრიდან.

გულშემატკივრები კიდევ ერთხელ დავრწმუნდით, რომ შორეულ პასებში „სოსიედადის“ ყოფილი ბინადარი უბადლოა.შეხვედრის მე-7 წუთზე, საკუთარი ნახევრიდან, ჩაბიმ 40 მეტრიანი დიაგონალური გადაცემა დაუხატა ხესეს და ამ უკანასკნელმაც, გარჯდა დაუფასა თანაგუნდელს.

საერთო ჯამში, ნახევარმცველმა 80-ჯერ გადააწოდა ბურთი „თეთრებში“ გამოწყობილ მოთამაშეებს და აქედან მხოლოდ 9 შემთხვევაში იყო არაზუსტი.მან 14-ჯერ დააკარგინა ბურთი მოწინააღმდეგეს, რაც ასევე საუკეთესო მაჩვენებელი გახლდათ მატჩში.

აღნიშვნის ღირსია ის ფაქტიც, რომ ალონსოს ლაზარეთიდან დაბრუნების შემდეგ, მადრიდელებს თამაში არ წაუგიათ.როგორც ყოველთვის, „მაესტრო“ მოწოდების სიმაღლეზეა.

MARCA