ხესე როდრიგესი შესანიშნავ ფორმაში იმყოფება, ახალგაზრდა ესპანელი, რომელმაც თითოეული მადრიდისტას გული დაიპყრო, კვირიდან კვირამდე, დღიდან დღემდე და ვარჯიშიდან ვარჯიშამდე პროგრესირებს...

გარეთ ბეილის არყოფნაში მთავარი მწვრთნელის, კარლო ანჩელოტის გადაწყვეტილებით სასტარტო თერთმეტეულში სწორედ ახალგაზრდა როდრიგესი გამწესდა, რომელსაც ზუსტად 7 წუთი დასჭირდა იმისათვის, რომ ჩაბი ალონსოს გენიალური გადაცემის შემდეგ საკმაოდ ეფექტური გოლი გაეტანა და გულშემატკივართა გულები გაეხარებინა.

კვირას "მერენგებს" ურთულესი შეხვედრა ელით ბასკების წინააღმდეგ, შეხვედრა სან მამესზე გაიმართება. გარეთის მწყობრში ვერ ჩადგომის შემთხვევაში მის ადგილს სავარაუდოდ კვლავ ხესე დაიკავებს.

დღეს ბილბაოს ატლეტიკი და მადრიდის ატლეტიკო განმეორებით შეხვედრას გამართავენ, სწორედ ეს დაპირისპირება გადაწყვეტს ნახევარფინალისტის ბედს, რომელიც "ბლანკოსის" მეტოქე იქნება, თუკი როდრიგესმა სან მამესზე დამაჯერებელი შთაბეჭდილება დატოვა, დიდი შანსია იმისა, რომ სამეფო თასის ნახევარფინალურ დაპირისპირებებშიც სასტარტოში აღმოჩნდეს.