მადრიდის "რეალის" ფორვარდ რუუდ ვან ნისტელროის უამრავი წინადადება აქვს სხვადასხვა კლუბებისგან. "ლივერპულს", "ტოტენჰემს", "არსენალს", "პსვ"–ს" და "რომას" თურქული კლუბიც შეუერთდა.

მიუხედავად იმისა, რომ რუუდი საბოლოოდ გამოჯანმრთლდა, ის "სამეფო კლუბში" ვერ უწევს კონკურენციას ახალგაზრდა გონსალო იგუაინს. ამიტომ გადაწყვეტილი აქვს დატოვოს მადრიდი. ასევე მას სურს გაემგზავროს მსოფლიო ჩემპიონატზე სამხრეთ აფრიკაში.

გუისას შემცვლელი?

ახლა უკვე თურქული "ფენერბახჩეც" დაინტერესდა ჰოლანდიელი ფორვარდის შეძენით. შესაძლოა იანვრის თვეში რუუდი თურქებს შეუერთდეს. "ფენერბახჩეს" ესპანელ ფორვარდ დანიელ გუისას ესპანეთში დაბრუნება აქვს გადაწყვეტილი და ნისტელროი მისი ღირსეული შემცვლელი იქნება.

შეგახსენებთ, რომ თურქულ კლუბს ადრიანოს ტრანსფერი ჩაეშალა. ვნახოთ ამჯერად როგორ განვითარდება მოვლენები.


ინფორმაციის წყარო: Defensacentral.com