კვირას სამეფო კლუბს ბილბაოს ''ატლეტიკის'' წინააღმდეგ ურთულესი გასვლითი მატჩი ელის. როგორც ესპანელი ჟურნალისტები იტყობინებიან, ''რეალს'' შესაძლოა რაფაელ ვარანი დაუბრუნდეს.

ფრანგი მცველის ''ქამბექი'' შესაძლოა სწორედ ბილბაოში ვიხილოთ. რაფა უკვე ორი დღეა სრული დატვირთვით ვარჯიშობს. შეგახსენებთ, რომ მუხლზე მიღებული დაზიანების გამო მას თითქმის სამი თვე მოუწია უქმობა. როგორც სამეფო კლუბის მედიკოსები იუწყებიან მან სრულად მოიშუშა ტრავმა და მზად არის სასტარტო შემადგენლობაში მოსახვედრად იბრძოლოს.