სამეფო კლუბის ჩილელმა დამრიგებელმა, მანუელ პელეგრინიმ, ჩემპიონთა ლიგის თამაშის წინ პრესკონფერენცია გამართა.

- გუნდის უკანასკნელ ვარჯიშს არ ესწრებოდა გუტი.რაშია საქმე?
- ფეხბურთელის ტრავმას ახლა გრიპიც დაემატა, ამიტომაც ჩვენ კვლავ ვერ შევძელით მოთამაშის განაცხადში შეყვანა.ფაქტიურად ის ერთდადერთი, რომელზეც ვერ გავთვლით მომავალ შეხვედრაში.

- და რა სახის ვირუსი აწუხებს?
- ეს მედიკოსებმა უნდა გაარკვიონ.

- რას იტყვით "ბარსასა" და "ინტერის" პაექრობაზე?
- მე არ მაინტერესებს თქვენსმიერ ნახსენები შეხვედრა.ეს მხოლოდ კატალონიელების ინტერესში შედის.მადრიდელების საზრუნავი მხოლოდ "ციურიხთან" გასამართი თამაშია.ჩვენ უნდა მოვახდინოთ მაქსიმალური კონცენტრაცია, რათა მოვიპოვოთ 1/8 ფინალის საგზური.

- გამოდის, რომ ლიდერობა გინდათ ჯგუფში?
- პირველ ადგილზე გასვლა მნიშვნელოვანია, მაგრამ არა გამდამწყვეტი.ვგონებ, ნებისმიერი გუნდისათვის კარგი მოვლენაა, როდესაც 1/8 ფინალის მეორე მატჩს შინაურ კედლებში გამართავს, თუმცა ეს 1/4 ფინალში გასვლის გარანტია ნამდვილად არ არის.

- რონალდუ განაცხადშია.მას მხოლოდ პირველ ტაიმში ვიხილავთ მოედანზე, თუ მთელი 90 წუთის განმავლობაში?
- ბოლო ვარჯიშებიდან კარგად გამოჩნდა, რომ პორტუგალიელი სრულ მზადყოფნაშია.რამდენ წუთს დაჰყოფს ის მოედანზე, ამას ხვალე გავიგებთ.

- რა მნიშვნელობისაა მისი დაბრუნება გუნდისათვის?
- ალბათ, არ შეიძლება ისეთი ფეხბურთელის დაბრუნებაზე არ იფიქრო, როგორიც რონალდუა.დღესდღეობით კრიშტიანუ ერთ-ერთი საუკეთესოა მსოფლიოში.ის გუნდის ნაწილია, თუმცა მისი არყოფნის დროსაც დავამტკიცეთ, რომ შეგვიძლია "კ.რ."-ს გარეშეც გარჯა.

- ხვალინდელ თამაშში, ხომ არ დაზოგავთ რომელიმე ფეხბურთელს "კლასიკოსათვის?"
- გუნდი მაქსიმუმს გაიღებს, რათა ჩემპიონთა ლიგის მომავალი ეტაპის საგზური მოიპოვოს.ჩვენთვის ჯერ "ციურიხია," ხოლო შემდეგ "ელ კლასიკო."