მადრიდის "რეალის" არგენტინელმა ფორვარდმა, გონსალო იგუაინმა, პრესკონფერენცია გამართა "ციურიხთან" მატჩის წინ.

- მსოფლიო ფეხბურთი მოუთმენლად ელოდება "ელ კლასიკოს," თუმცა მანამდე ჩემპიონთა ლიგის თამაშია...
- რასაკვირველია, "ბარსასთან" შეხვედრა უმნიშვნელოვანესია, მაგრამ მანამდე ჩვენ გველის "ციურიხთან" ასპარეზობა.მხოლოდ ამ მატჩის შემდეგ დავიწყებთ ფიქრს "კლასიკოზე."იმედია, კარგი განწყობით შევხვდებით, "ნოუ კამპზე" გასამართ თამაშს.

- როგორ ფიქრობ, მომავალ ორ მატჩში 90-90 წუთი მოგიწევს მოედანზე ყოფნა?
- ნებისმიერი ფეხბურთელის სურვილია ითამაშოს.რა თქმა უნდა, ძალიან გახარებული ვიქნები, თუ ასე მოხდება.მერწმუნეთ, ყველაფერს გავაკეთებ იმისათვის, რათა გუნდს დავეხმარო.

- რას გვეტყვი "ბარსასა" და "ინტერის" დაპირისპირებაზე?
- მე და ჩემ თანაგუნდელებს მხოლოდ საკუთარი გუნდის ბედი გვაღელვებს.ჩვენ გვინდა, რომ "ბერნაბეუს" პუბლიკა გახარებული გავუშვათ მოედნიდან.

- რას ნიშნავს რონალდუ გუნდისათვის?
- პორტუგალიელი არის "რეალის" განუყოფელი მოთამაშე.სასიხარულოა, რომ ის ასეთ რთულ კვირაში უერთდება გუნდს.

- მწვრთნელის დავალებით, შეტევის მარჯვენა ფრთაზე ირჯები?
- თამაშის დროს, მე, ქარიმი და რიკარდო ვცვლით პოზიციებს.კრიშტიანუს არყოფნაში ასეთი ტაქტიკით ვმოქმედებთ, მაგრამ როდესაც რონალდუ შემოგვიერთდება, მწვრთნელი გადაწყვეტს, თუ როგორ გაგვამწესებს მოედანზე.

- ერთ-ერთ ვარჯიშზე, თქვენ გუტის უნებლიეთ შეეჯახეთ, რასაც მე-"14" ნომრის ლაზარეთში გამგზავრება მოყვა...
- ვწუხვარ, რომ ასეთი ფაქტი მოხვდა.

- რას დაკარგავს "კლასიკო" იმ შემთხვევაში, თუ მესი ვერ ითამაშებს?
- არვიცი.მე მხოლოდ ჩემ გუნდში არსებულ მდგომარეობაზე შემიძლია საუბარი.ჩვენ ძალიან გვინდა "კლასიკოს" მოგება, თუმცა მესის ყოფნით უფრო საინტერესო იქნება ეს ჯახი.