როგორც დაანონსებული იყო, პორტუგალიის პრეზიდენტის გადაწყვეტილებით, ქვეყნის წინაშე განსაკუთრებული წვლილისთვის, რონალდუ პრინც ჰენრის ორდენის კავალერი გახდა.

დაჯილდოვების ცერემონია, პირველი პირის რეზიდენციაში გაიმართა, სადაც რამდენიმე თვის წინ ამერიკის პრეზიდენტიც იმყოფებოდა.ღონისძიებას მაღალი რანგის სტუმრები დაესწრნენ.

პორტუგალიის პირველმა პირმა ანიბალ კავაკომ, მიწვეულ საზოგადოებას სიტყვით მიმართა: „რამდენიმე კვირის წინ, ამ ქვეყნიდან გავაცილედ ეუსებიო, მაგრამ დღეს თქვენ წინაშე მეორე დიდი სპორტსმენი დგას, რომელიც კიდევე ერთხელ დაასახელეს პლანეტის საუკეთე ფეხბურთელად.ეჭვგარეშეა, რომ რონალდუ ჩვენი ყველაზე ცნობილი თანამემამულეა ქვეყნის ფარგლებს გარეთ.ის ყოველთვის ღირსეულად იცავს პორტუგალიის პრესტიჟს.“

„კრიშტიანუს გამარჯვებები და მიღწევები სრულიად პორტუგალიას დიდი სიხარულს ანიჭებს.ნაკრების კაპიტანი ყველასთვის და განსაკუთრებით ახალგაზრდებისათვის საუკეთესო მაგალითია.ვაფასებთ მის პროფესიონალიზმს, ჟინსა, დისციპლინასა და სამუშაოს.ქვეყნის წინაშე განსაკუთრებული ღვაწლისთვის, ვაჯილდოვებთ პრინც ჰენრის უმაღლესი ორდენით“ - განაცხადა კავაკომ.

პრეზიდენტსა და ხალხს მადლობა გადაუხადა მადრიდისტამ, რომელიც „ოქროს ბურთით“ გამოცხადა სასახლეში: „ჩემთვის დიდი პატივია ასეთი ჯილდოს მიღება პატივცემული პრეზიდენტისგან.გავაგრძელებ თავდაუზოგავ შრომას, რათა კვლავ ვასახელო ჩემი სამშობლო მსოფლიო ასპარეზზე.ძალიან ბედნიერი ვარ და მადლობას გიხდის ყველაფრისათვის.“

„მუნდიალის მოგება ჩემი ოცნებაა.წინასწარ ხმამაღალ განცხადებებს არ გავაკეთებ, მაგრამ თანაგუნდელებთან ერთად ბოლომდე ვიბრძოლებთ, რათა ქვეყანას წარმატება მოვუტანოდ“ - დაამატა რონალდუმ.

აღსანიშნავია, რომ დაჯილდოვება 7 იანვარს უნდა შემდგარიყო, თუმცა შავი პანტერას გარდაცვალებამ გეგმები შეცვალა.