ვიგოელებთან მატჩში მომხდარი ფაქტი, არგენტინელმა შემტევმა სრულად გამოისყიდა.

„რეალის“ ბოლო მატჩებში, ანჩელოტიმ დი მარიას დიდი ნდობა გამოუცხადა და ამ უკანასკნელმაც იმედები არ გაუქარწყლა იტალიელს.სეზონის სტარტზე, საფეხბურთო ექსპერტებსა და ქომაგებს ანხელი-ბეილის ტანდემი მწვანე მინდორზე ვერ წარმოედგინათ, თუმცა ახალ ტაქტიკაზე გადასვლის შემდეგ, სასტარტოში სამხრეთ ამერიკელისათვისაც მოიძებნა ადგილი.

4-3-3-ის დროს, დი მარიამ მარცხენა ფრთიდან ცენტრში გადაინაცვლა, სადაც ალონსოსთან და მოდრიჩთან ერთად მყარ ტრიოს ქმნის.კარლიტოს აზრით, მისი შუაში გადმოწევა ნაყოფიერია ბალანსისათვის.ანხელის, როგორც შეტევითი, ასევე დაცვითი პოტენციალი, ძალზედ ეხმარება გუნდს.ეს გამოჩნდა ბოლო 3 მატჩში, სადაც ფეხბურთელმა 2 გოლი გაიტანა და დიდებულად ითამაშა უკან.

ამ ეტაპისათვის, დი მარია 27-ჯერ გამოვიდა მწვანე მინდორზე და აქედან 21 შემთხვევაში სასტარტო შემადგენლობაში.მის აქტივში 8 გოლი და 9 ასისტია.

MARCA