მიუხედავად იმისა, რომ კრიშტიანო რონალდუ, გარეთ ბეილი, ანხელ დი მარია და კარიმ ბენზემა ბრწყინვალედ ართმევენ თავს დაკისრებულ მოვალეობას, მთელი ესპანეთი ჩაბი ალონსოსა და ლუკა მოდრიჩის დუეტზე საუბრობს, რადგან ხსენებული მოთამაშეები უბრალოდ შეუდარებლები არიან...

ესპანელი მოთამაშე შედარებით უკან თამაშობს და მცველებს ეხმარება, ხორვატს კი მთელი მოედნის ცენტრი აქვს ჩაბარებული, ის უკანაც იწევს და წინახაზელებსაც ეხმარება, ლუკა მოედნის ყველა წერტილშია, სწორედ მისი კრეატიულობის ხარჯზე აღწევს კარლოს სქემა წარმატებას, ხორვატს არც გოლების გატანა ეთაკილება ასისტებთან ერთად. საბოლოო ჯამში ორივე ფეხბურთელი ურთიერთშეთანხმების საფუძველზე მეტისმეტად წარმატებით გამოდის.

ფაქტი ის გახლავთ, რომ მთავარმა მწვრთნელმა სწორედ ესპანურ-ხორვატიულ დუეტში იპოვა ბრწყინვალე კავშირი ნახევარდაცვასა და თავდასხმას შორის, რომელიც ძალიან სერიოზულად მუშაობს და ექსპერიმენტების ჩატარების საშუალებასაც იძლევა, საქმე ანხელ დი მარიას გამთამაშებლად, მეორე ფორვარდად და კიდევ რამდენიმე პოზიციაზე დაყენებას ეხება.