„ბენიტო ვილიამარინზე“ უელსელმა საჯარიმო დარტყმით გაიტანა.

ნათქვამია, გოლს მოაქვს თავდაჯერებულობაა და სწორედ ეს ჭირდება ბეილსაც, რომელმაც 30 ნოემბრის შემდეგ, პირველად მოახერხა მეტოქის კარის დალაშქვრა.შემოდგომის მიწურულს, ფეხბურთის ისტორიაში ერთ-ერთი ყველაზე ძვირადღირებული ტრანსფერი დიდებულად ასპარეზობდა, თუმცა ლაზარეთში რამდენიმე დღიანმა ვიზიტმა, შემტევი ინერტული გახადა.

„ბეტისის“ წინააღმდეგ, ბრიტანელმა რიგით მესამე ჯარიმა გაიტანა „რეალის“ მაისურით და მიმდინარე სეზონში, უკვე 10 გოლს მოუყარა თავი.

ესპანეთში ფიქრობენ, რომ ბოლო მატჩებში უფერული ბეილი დავიწყებას მიეცემა, რამეთუ აღნიშნული გოლით, მოთამაშე ძალებს მოიკრებს და უფრო გაბედულად იმოქმედებს მწვანე მინდორზე.

MARCA