რონალდუსთვის "ოსასუნას" კარში გატანილი გოლი მიმდინარე სეზონში 30-ე გამოდგა.

"მადრიდის რეალის" ფეხბურთელი კრიშტიანუ რონალდუსთვის "ოსასუნას" კარში გატანილი გოლი 2013-2014 წლების სეზონში 30-ე გამოდგა. ეს არ არის მისი საუკეთესო სტარტი, ვინაიდან 2010-2011 წლებში ამ დროისთვის მის ანგარიშზე უკვე 31 გატანილი გოლი იყო, მაგრამ მონდომება და გოლზე დაგეშილობა აღსანიშნავია. ლა ლიგაში გატანილი 20 გოლის წყალობით მას 40 ქულა აქვს და ოქროს ბუცისთვის ბრძოლაში მეორე ადგილზეა, ჩამორჩება რა ურუგვაელ ლუის სუარესს, რომელსაც პრემიერ ლიგაში 22 გატანილი გოლი დაუგროვდა.

თუ ლიგაში გატანილ გოლებს დავუმატებთ ევროსარბიელზე და თასზე გატანილ გოლებსაც, მაშინ ამ დროისთვის რონალდუს ყველაზე მეტი გოლი აქვს გატანილი - 30, შემდეგ 26 გოლით ზლატან იბრაგიმოვიჩი მოდის, რომელსაც 23 გოლით დიეგო კოსტა, 22 გოლით ლუის სუარესი , 19 გოლით აგუერო მოყვებიან. მესის მხოლოდ და მხოლოდ 16 გოლი აქვს გატანილი, მაგრამ აღსანიშნავია, რომ მას ტრავმა აქვს.