რუი კოშტა : "მესისა და რიბერის დიდ პატივს ვცემ, მაგრამ . . .
მანუელ რუი კოშტას განცხადებით, კრიშტიანო რონალდუ მსოფლიოში საუკეთესოა და სწორედ მას უნდა გადაეცეს ოქროს ბურთი...
"მესისა და ფრენკ რიბერისადმი ჩემი უდიდესი პატივისცემის მიუხედავად ვთვლი, რომ დღევანდელ დღეს მსოფლიოს საუკეთესო ფეხბურთელი კრიშტიანო რონალდუ გახლავთ და სწორედ მას უნდა გადაეცეს პრიზი."
"არგენტინელმა წინახაზელმა ზედიზედ ოთხჯერ მოიპოვა ხსენებული ჯილდო, არ ვიცი რამდენად ობიექტურები იყვნენ ხმის მიცემის მქონე პირები, როდესაც მუდმივად ლიონელზე აკეთებდნენ აქცენტს, მაგრამ ფაქტი ფაქტად რჩება, წლეულს კი თვალნათლივი გახლავთ, რომ მესი რონის დონეზე ნამდვილად ვერ არის."
"ფრენკ რიბერიმ ბაიერნს ყველაფერი მოაგებინა, მაგრამ ეს უფრო გუნდური სულისკვეთების ხარჯზე მოხდა და არა ინდივიდუალური, კრიშტიანუმ როგორც სამეფო კლუბში, ასევე პორტუგალიის ეროვნულ ნაკრებში ყველაფერი გააკეთა იმისათვის, რომ თავი საუკეთესოდ წარმოაჩინა, მის "კისერზეა" ჩვენი ნაკრების მსოფლიო ჩემპიონატზე გასვლა, "ბლანკოსის" წარმატებები და ასე შემდეგ."
- 13 იანვარი 2014
- 2 251
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
