არგენტინელი ფორვარდის, სერხიო აგუეროს განცხადებით, კრიშტიანო რონალდუ უმაღლესი დონის წინახაზელია და ის ნამდვილად იმსახურებს ოქროს ბურთის კანდიდატთა სამეულში ყოფნას, მაგრამ გამარჯვებული ლიონელ მესი უნდა გახდეს, რადგან არგენტინელის დონის ფეხბურთელი დღევანდელ მსოფლიოს არ ჰყავს...

"ვინ თქვა, რომ ოქროს ბურთის მფლობელის ვინაობას გატანილი გოლები წყვეტს? გასაგებია, რომ ინდივიდუალურ ჯილდოსთან გვაქვს საქმე, მაგრამ ეს იმას არ ნიშნავს, რომ გამარჯვებული პორტუგალიელი უნდა გახდეს."

"მესიმ სეზონის მანძილზე ერთი გოლზე მეტიც რომ ვერ გაიტანოს, მე მას მაინც საუკეთესოდ დავასახელებდი, რადგან იგი ყველას ერთი თავით აღემატება."

"ტრავმიანობის მიუხედავად იგი წლის საუკეთესო ფეხბურთელი გახლავთ, ლიონელთან დიდებული ურთიერთობა მაქვს, იგი როგორც ბარსელონას, ასევე არგენტინის ნაკრების სიმბოლოა."

"ბოლოსდაბოლოს მესის დიეგო არმანდო მარადონას ადარებენ, კრიშტიანო კი მისი დონის მოთამაშისთვის არასდროს შეუდარებიათ. მე ვთვლი, რომ ოქროს ბურთს ლიონელი უნდა დაეუფლოს და პრიზის მფლობელი მეხუთედ გახდეს."