მადრიდული მანქანა შეუჩერებელია.

„ენდესა“ ლიგის მე-15 ტურში, მორიგი გამარჯვების მოპოვებით, მადრიდელმა კალათბურთელებმა ტურნირის ისტორიაში საუკეთესო სტარტი დააფიქსირეს.ამჯერად, „თეთრებმა“ თანაქალაქელი „ფუენლაბრადა“ არ დაინდეს და 96:81 დაამარცხეს მოწინააღმდეგე.

აღსანიშნავია, რომ პარკეტზე არ გამოჩენილა რუდი ფერნანდესი, თუმცა ამას ზეგავლენა არ მოუხდენია გუნდის შედეგიანობაზე.როგორც ყოველთვის, ლიდერობა ნიკოლა მიროტიჩმა იტვირთა, რომელმაც 24 ქულა, 6 მოხსნა და 5 პასი დააგროვა.არანაკლებ ეფექტური გახლდათ სერხიო როდრიგესი.ამ უკანასკნელმა 17 ქულა ჩაუგდო მეტოქეს.

მადრიდელების მონაგარი: დრაპერი (3 ქულა), ლული (15), დარდენი (6), მიროტიჩი (23), ბურუსისი (8), სერხიო როდრიგესი (17), კეროლი (4), დიესი (14), რეიესი (2), სლოტერი (-), მეხრი (4).

ამრიგად, სეზონის დაწყებიდან დღემდე, მადრიდელების ანგარიშზე 29 გამარჯვებაა.ისინი გაჩერებას არ აპირებენ.