"ბარსელონას" მცველ დანი ალვეშს იმედი აქვს, რომ "რეალთან" მატჩის შემდეგ მისი გუნდი ისევ პირველ ადგილს დაუბრუნდება.

29 ნოემბერს პეპ გვარდიოლას შეგირდები საკუთარ მოედანზე მიიღებენ მადრიდის "რეალს", რომელიც მათ ერთი ქულით უსწრებს. გუშინ "უხსენებელმა" სტუმრად "ბილბაოსთან" ფრედ 1:1 დაასრულა მატჩი.

"ვიმედოვნებ მალე გამოვასწორებთ თამაშს. ვერ ვხედავ იმაში ცუდს, რომ დღეს ლიდერი "რეალია". სეზონი გრძელია და არ უნდა მოვდუნდეთ. კიდევ ბევრი მატჩის გამართვა მოგვიწევს. უკვე მომავალ კვირაში შეგვეძლება ისევ პირველ ადგილს დავუბრუნდეთ, როცა შედგება შეხვედრა "სამეფო კლუბთან" – აცხადებს ბრაზილიელი მცველი.

ასევე ალვეშმა მესის ტრავმაზეც ისაუბრა. "ძალიან ცუდი ინფორმაციია ჩვენთვის. მესი დიდ როლს თამაშობს გუნდში, მაგრამ ამას უნდა შევეგუოთ".