უდავოა, რომ ახალგაზრდა შემტევის მოედანზე გამოსვლით, „რეალის“ შეტევითი პოტენციალი ერთი-ორად გაიზარდა.პირველ გატანილ გოლში, ბენზემას, სწორედ ზესემ გაუწია ასისტენტობა.

შეხვედრაში სათადარიგოდან ჩაერთე და დიდი გარდატეხა შემოიტანე: „ყოველდღე თავდაუზოგავად ვმუშაობ და ვცდილობ, ბევრი ვისწავლო თანაგუნდელებისგან.სიმართლე გითხრათ, ბედნიერი ვარ ჩემს ირგვლივ განვითარებული მოვლენებით.ბუნებრივია, რეგულარულად თამაში ძალიან რთულია, თუმცა ერთ მშვენიერ დღესაც, შრომა დამიფასდება.“

კვლავ სასტარტოს მიღმა დარჩით: „მიმდინარე ფორმაციის შემადგენლობაში ჯანსაღი კონკურენცია სუფევს.თითოეული მოთამაშე ადგილისთვის ვიბრძვით.ნებისმიერ შემთხვევაში, ყველამ პატივი უნდა სცეს მწვრთნელის გადაწყვეტილებას.“

ტრიბუნები დი მარიას უსტვენდნენ: „ნამდვილად არ გამიგია, რამეთუ მოედანზე ვიყავი.ანხელი დიდებული მოთამაშეა და მას აქვს ჩვენი მხარდაჭერა.“

კრიშტიანუმ მორიგი დუბლი გაიფორმა.წინ „ოქროს ბურთის“ დაჯილდოვებაა: „ის უბრალოდ საუკეთესოა.მჯერა, რომ მოიგებს.“

რთული მატჩი ვიგოელებთან: „პირველ ტაიმში გარკვეულ პრობლემებს წავაწყდით.ვფიქრობ, მე და გარეთმა დიდი გარდატეხა შემოვიტანეთ.“

„ბარსელონასა“ და „ატლეტიკოს“ ჯახი: „მხოლოდ ჩვენ თამაშზე ვართ ფოკუსირებულნი.ასე თუ გავაგრძელებთ, აუცილებლად გადავუსწრებთ ორივეს.“

AS