მატასთვის ეს სეზონი საკმაოდ ცუდი აღმოჩნდა. "ჩელსის" ნახევარმცველის სახელმა ზამთრის სატრანსფერო ფანჯარაზე უკვე რამდენჯერმე გაიჟღერა.

ბრიტანული გაზეთის, The Sunday Times-ის ცნობით, მატას აგენტი, რომელიც ასევე მისი მამაცაა, ეძებს გამოსავალს. როგორც ბრიტანული მედია იუწყება, ხუანს შემოთავაზება რამდენიმე ევროპული კლუბისგან აქვს. "რეალი", "ბარსელონა", "ინტერი" და "ნაპოლი" ესპანელის მიმართ ინტერესს იჩენენ.

გასულ სეზონში, როდესაც ლონდონელების მწვრთნელი რაფაელ ბენიტესი იყო, მატა შესანიშნავად გამოიყურებოდა. "ლურჯების" გულშემატკივრებმა ის "ჩელსის" წლის საუკეთესო ფეხბურთელად დაასახელეს. ამ სეზონში მატამ მხოლოდ 3 მატჩი ჩაატარა სრულად, მაშინ, როდესაც შარშან ზუსტად ამ დროს, მან მოედანზე 10 მატჩი 90 წუთი გაატარა.

არის შანსი, რომ ფეხბურთელი მუნდიალის მიღმა დარჩეს, ამიტომ ის ყველანაირად ეცდება ამ სიტუაციის შეცვლას.

წყარო: As