არსებული მომენტისათვის, „სელტა“ პრიმერა დივიზიონის გასავარდნ ზონასთან ახლოსაა, თუმცა იყო დრო, როდესაც ვიგოელები ევროპულ გრანდებს უმწარებდნენ სიცოცხლეს.

სამწვრთნელო კარიერის განმავლობაში, ანჩელოტისა და ვიგოელების გზები 4-ჯერ გადაიკვეთა.აქედან, ორჯერ „იუვეს“ დამრიგებლის რანგში, ხოლო ორჯერ „მილანის.“აღსანიშნავია, რომ სტატისტიკა ესპანელების მხარესაა: 2 გამარჯვება, 1 ფრე და 1 წაგება.

მეტად დასამახსოვრებელია 1999-00 წ.წ. სეზონი, როდესაც „უეფას“ თასზე, გალისიელებმა ჯერ 1-0 წააგეს „ბებერ ქალბატონთან“ სტუმრად, ხოლო განმეორებით დუელში, არც მეტი არც ნაკლები, 4-0 გაანადგურეს ზიდანისა და დელ პიეროს გუნდი.

3 სეზონის შემდეგ, უკვე ჩემპიონთა ლიგის ჯგუფურ ეტაპზე შედგა „სელტასა“ და „მილანის“ პაექრობა.„ბალაიდოსზე“ ნულოვანი ფრე დაფიქსირდა, ხოლო „ჯუზეპე მეაცაზე“ კი, ცისფერ ფორმაში გამოწყობილმა ფეხბურთელებმა, კაკას გოლს, 2 ბურთით უპასუხეს.

როგორც ზემოდ აღვნიშნე, დღესდღეობით, სხვა „სელტასთან“ გვაქვს საქმე, თუმცა ისტორია ისტორიად რჩება.

marca