ანჩელოტი მიიჩნევს, რომ გარკვეულწილად, კლუბი საკუთარ აღზრდილ ფეხბურთელებზე უნდა იდგას, რასაც ვერ ვიტყვით მოურინიოზე.

პორტუგალიელი სპეციალისტი გაურბოდა კანტერანოსებს და ამაზე სტატისტიკაც ნათლად მეტყველებს.ჟოზეს სადებიუტო წელში, „რეალის“ პირველ გუნდში, ოფიციალურად, 2 კასტილიელი ირიცხებოდა (ადანი და მატეოსი).პრე-სეზონიდან საშობაო არდადეგებამდე, „განსაკუთრებულმა“ მხოლოდ 388 წუთი დაუთმო კლუბის სიყვარულით გამსჭვალულ ახალგაზრდებს.

ანჩელოტის შემთხვევაში, რადიკალურად განსხვავებულ ციფრებთან გვაქვს საქმე.ამ ფორმაციის „ბლანკოსში,“ 5 კასტილიელი ასპარეზობს (ხესუსი, კაზემირო, ნაჩო, მორატა და ხესე), რომლებმაც მიმდინარე სეზონის ოფიციალურ მატჩებში, 1777 წუთი გაატარეს მოედანზე.ამას ამხანაგურ მატჩებსაც თუ დავუმატებთ, მივიღებთ 4618 წუთს.ზ/ჩამოთვლილი ბიჭების გარდა, იტალიელმა სპეციალისტმა, კასადო, ლორენტე, ხოსე როდრიგესი და ხაიმე რომერო გამოცადა.

as.com