გასულ სეზონში „კასტილიელების“ ვარსკვლავმა ხესემ, მადრიდისტების გულები მოკლე დროში დაიპყრო.

გამოცემას „ას“-ის მომხმარებლების 83 პროცენტი მიიჩნევს, რომ პრიმერა დივიზიონის მომდევნო ტურში „სელტასთან,“ როდრიგესს სასტარტო შემადგენლობაში უნდა გამოუყონ ადგილი.

მიმდინარე სეზონის ოფიციალურ მატჩებში, ხესემ მხოლოდ 3 შემთხვევაში დაიწყო თამაში საწყისი წუთებიდან.პირველად, „ბერნაბეუზე“ „გალასთან“ გამოჩნდა, თუმცა რამოსის წითელის გამო, მალევე შეცვალეს, ხოლო დანარჩენ 2 შემთხვევაში, მწვრთნელმა სათასო შეხვედრებში მისცა შანსი.„ხატივასთან“ ორმატჩიან დუელში, კანტერანოსი გუნდის ერთ-ერთი ნათელი წერტილი გახლდათ.განმეორებით დაპირისპირებაში, საგოლე გადაცემის გაკეთებაც მოახერხა.

შეგახსენებთ, რომ 2013 წლის ბოლო ორთაბრძოლაში, სწორედ ხესეს გოლმა მოუტანა გუნდს 3 ქულა.ამ უკანასკნელმა რამდენიმე დღის წინ, პარიზელებსაც გაუტანა ამხანაგურ მატჩში.