"ვალენსიას" კარში გატანილი გოლი კრიშტიანო რონალდუსთვის ლა ლიგაში 165-ე გამოდგა, რითაც მან ლეგენდარული უგო სანჩესი უკან მოიტოვა და ლა ლიგის მასშტაბით "მადრიდის რეალის" ისტორიაში საუკეთესო მეგოლეებს შორის მეოთხე ადგილზე გავიდა.

კრიშტიანო რონალდუ აგრძელებს საკუთარი ისტორიის წერას "მადრიდის რეალის" რიგებში გააქვს რა საშუალოდ 1.1 გოლი მატჩში. მან თავისი ანგარიში ლა ლიგაში გახსნა სადებიუტო შეხვედრაში "დეპორტივოს" წინააღმდეგ "სანტიაგო ბერნაბეუზე". ამჟამად მის ანგარიშზე 151 შეხვედრაში გატანილი 165 გოლია, რითაც უკან მოიტოვა უგო სანჩესი, რომელმაც 164 გოლის გატანას 207 შეხვედრა მოანდომა. კრიშტიანო რონალდუს შემდეგ სამიზნე არის სანტილანა 186 გატანილი გოლით ლა ლიგაში.

"მადრიდის რეალის" გოლეადორები ლა ლიგაში ასე გამოიყურება:

რაული 228 გოლი

დი სტეფანო 216 გოლი

სანტილანა 186 გოლი

კრიშტიანო რონალდუ 165 გოლი

უგო სანჩესი 164 გოლი