კრიშტიანუ რონალდუ Talk Sport-თან ინტერვიუში საინტერესო თემებს შეეხო.

ხარ თუ არა ბედნიერი: "დიახ და ამიტომაც გავახანგრძლივე კლუბთან. ეს ჩემი სახლია, სადაც დიდებულად ვგრძნობ თავს. მიყვარს ეს კლუბი, მიყვარს ეს ხალხი და ეს გულშემატკივარი...მე ყველაფერი ეს მაქვს და ამიტომაც გავაგრძელე კლუბში თამაში. არავინ იცის, რა მოხდება ჩემი კარიერის ბოლოს, მაგრამ ამჟამად მე ძალიან ვამაყობ და ბედნიერი ვარ, რომ აქ ვთამაშობ."

გარეთ ბეილი: "ის ბრწყინვალედ გამოიყურება. მან ნელა დაიწყო ტრავმების გამო და ეს ნორმალურია, ვინაიდან საერთოდ არ ქონია წინასასეზონო მზადება. ამიტომაც ეხლა უფრო დიდი ზეწოლაა მასზე. ეს ძნელია, მაგრამ ვფიქრობ, რომ ის მოუმატებს. გულშემატკივრებს და ფეხბურთელებს გვინდა, რომ მან მოუმატოს, ის ფანტასტიკური ფეხბურთელია და იმედი მაქვს, დაგვეხმარება ტიტულების მოგებაში."

ანჩელოტი: "ფანტასტიკური პიროვნებაა. ის პირველი ყოფილი ფეხბურთელი მწვრთნელია ჩემთვის და ასე რომ მან იცის, თუ როგორი ურთიერთობა უნდა ქონდეს ფეხბურთელებთან. ბედნიერი ვარ მასთან მუშაობით, მე მისგან და სამწვრთნელო შტაბისგან ძალიან ბევრი რამე ვისწავლე."

ზიდანი: "ზიზუ ჩვენ გვაძლევს იმ გამოცდილებას, რომელიც მას, როგორც ფეხბურთელს ქონდა, განსაკუთრებით კი ახალგაზრდა ფეხბურთელებს. ეს ფანტასტიკურია. მე მიხარია მასთან მუშაობა, ვინაიდან ის დიდებული ფეხბურთელი იყო და უდიდესი გამოცდილება აქვს დაგროვილი. მიყვარს, როცა საუკეთესოებთან ერთად მიწევს მუშაობა."

მსოფლიო ჩემპიონატი: "ბედნიერი ვარ იმით, რომ ეროვნულ ნაკრებს დავეხმარე. განმეროებითი შეხვედრის მეორე დღეს ვსაუბრობდით თანაგუნდელებთან და ყველანი ვხვდებოდით, თუ რაოდენ დიდი საქმე გავაკეთეთ ნაკრებისთვის, ქვეყნისთვის და გულშემატკივრებისთვის.

იბრაჰიმოვიჩი: "ის დიდებული ფეხბურთელია და ეს არაერთხელ დაამტკიცა. ძალიან ბევრი გოლი გააქვს, რაც მთავარია მნიშვნელოვანი გოლები. ამჟამად უმაღლეს დონეზე თამაშობს."