მოგეხსენებათ, ფლორენტინო პერესმა საშობაო ვახშამი გამართა, სადაც მიწვეულები იყვნენ მადრიდის რეალის საკალათბურთო და საფეხბურთო გუნდების მოთამაშეები...

მარკამ ვახშმის დროს საინტერესო დეტალები დააფიქსირა.

პირველ რიგში აღსანიშნავია, რომ მარსელო ვიეირა კრიშტიანო რონალდოს მაგიდასთან დაჯდა, ეს კი იმის მანიშნებელი იყო, რომ მოთამაშეებს შორის არავითარი კომპლიქტი არ არსებობს. წინა წელს ბრაზილიელი მოთამაშე პორტუგალიელ თანაგუნდელს თავს არიდებდა, რამაც დიდი რეზონანსი გამოიწვია და პრესა არსებულ დაპირისპირებაზე ალაპარაკდა, წელს კი ვითარება შეიცვალა და ვიეირა ჩვეულ პოზიციას დაუბრუნდა. ერთ მაგიდასთან კალათბურთელებთან ფაბიო კოენტრაო, კაზემირო ,ლუკა მოდრიჩი, პეპე, გარეთ ბეილი, კრიშტიანო რონალდო და ზემოთხსენებული მარსელო ვიეირა ისხდნენ.

თვალში ყველას მოაკლდა რიკარდო კაკა, რომელმაც მილანისკენ აიღო გეზი და ვახშამს რაღა თქმა უნდა არ ესწრებოდა.

ანხელ დი მარია, რომელიც მუდმივად გონსალო იგუაინთან ერთად ამჯობინებდა სუფრასთან ჯდომას, ამჟამად დიეგო ლოპესთან, დანიელ კარვახალთან, ნაჩოსთან, მორატასთან და ილარამენდისთან ერთად ვახშმობდა.

სერხიო რამოსს გვერდს აღარ უმშვენებდა უახლოესი მეგობარი მესუთ იოზილი, რომელიც გუნდმა არსენალში გაყიდა. სამეფო კლუბის ვიცე კაპიტანი ისკო ალარკონთან, ხესე როდრიგესთან და ახალგაზრდა მეკარეებთან, ხესუსთან და ტომას მეხიასთან ერთად ესწრებოდა შეკრებას.

ჩაბი ალონსო და ალვარო არბელოა ფრანგულ დუეტთან (კარიმ ბენზემა, რაფაელ ვარანი) მოკალათდა.

რაც შეეხება ფელიპე რეიესსა და იკერ კასილასს, კაპიტნები გუნდის ხელმძღვანელობასთან ერთად იყვნენ ცალკე სუფრასთან.