სანტანდერის "რასინგის" ახალ მწვრთნელ მიგელ ანხელ პორტუგალს ხვალ დებიუტი ექნება მადრიდის "რეალის" წინააღმდეგ "სანტიაგო ბერნაბეუზე". მისი თქმით, "რეალს" შეუძლია მოგება, მაგრამ ამის გაკეთება ძალიან გაუჭირდება.

"ჩვენ მაქსიმალურად ყურადღებით უნდა ვითამაშოთ, რადგან მადრიდელები ერთ შეცდომასაც არ გვაპატიებენ. გუნდი მოტივირებულია სათამაშოდ. წელს ვნახე "სამეფო კლუბის" ბევრი თამაში და ძალიან კარგად ვიცი მათი სათამაშო სტილი" – აცხადებს სანტანდერელთა მწვრთნელი.

მწვრთნელი, რომელიც გუშინ წარადგინეს კლუბში არ აპირებს ცვლილებების განხორციელებას შემადგენლობაში. "ცვლილებებს არ ვაპირებ, რადგან ბევრი დრო არ მაქვს ამისთვის. აუცილებლად მექნება დრო იმისთვის, რომ რაღაც–რაღაცეები შევცვალო. მე შეწუხებული ვარ იმის გამო, რომ ჩემი გუნდი ბევრ გოლს უშვებს სტანდარტული სიტუაციებიდან" - განაცხადა პორტუგალმა.


ინფორმაციის წყარო: As.com