იტალიელი სპეციალისტის პირობებში, „რეალი“ ახალ კლუბად ჩამოყალიბდა.თანდათან ნათელი ხდება ანჩელოტის სათამაშო სტილი და ფილოსოფია.

ალბათ, შეუმჩნეველი არავის დარჩებოდა, რომ მიმდინარე სეზონში, სამეფო კლუბის გაცილებით დომინანტურია მწვანე მინდორზე.კარლიტოს მთავარი დავალება გახლავთ, მატჩის სადავეების 90 წუთიანი კონტროლი, რაც თავისთავად, მიუღწეველი იქნებოდა ბურთზე კონტროლის გარეშე.მადრიდელებიც ნელ-ნელა ეგუებიან ახალ სისტემას და ყოველ მომდევნო შეხვედრაში, უფრო დამაჯერებლად აგორებენ ბურთს.

საწყის ეტაპებზე, საქმისადმი ამგვარი მიდგომა, ცოტა უცხო გამოდგა „ბლანკოსის“ მოთამაშეებისათვის, რამეთუ ჟოზე მოურინიოს ეპოქაში, ხშირ შემთხვევაში უბურთოდ, მეორე ნომრად, ასპარეზობდნენ.ამიტომაც, შარშანდელი და მიმდინარე სეზონების თითოეული მატჩისშემდგომი სტატისტიკა, რადიკალურად განსხვავდება ერთმანეთისაგან.წლუელს, ჩატარებული 22 დაპირისპირებიდან, ანჩეს დამოძღვრილებმა მხოლოდ 3-ჯერ წააგეს ბურთის ფლობა („ბარსასთან,“ „რაიოსთან“ და სტამბოლში „გალათასარაისთან“).

დამაჯერებელი თამაში მოედნის ცენტრში და ბურთზე შესანიშნავი კონტროლი, გარკეულწილად ალონსოს, მოდრიჩის, ილიარასა და ისკოს დამსახურებაა, რომლებიც ჩინებულად ახერხებენ მის დაჭერას.

მაშასადამე, წლევანდელი ფორმაციის „ბლანკოსი,“ წინა სეზონებთან შედარებით, უფრო გაბატონებულად თამაშობს, როგორც საკუთარ, ასევე მეტოქის ნახევარზე.

marca.com