ერთ-ერთმა ევროპულმა საიტმა წარმოგვიდგინა იმ ფეხბურთელთა სია, რომლებმაც ჯგუფური ეტაპის მატჩებში საუკეთესოდ წარმოაჩინეს თავი და ლიდერობა არავის დაუთმეს მათთვის განკუთვნილ პოზიციებზე.

რასაკვირველია, ამ თერთმეტეულში მოხვდნენ მადრიდელებიც, კერძოდ იკერ კასილასი და კრიშტიანუ რონალდუ.პორტუგალიელმა წელს ყველა და ყველაფერი გვერდით მოიტოვა და როგორც რობოტი, ისე ანადგურებდა მოწინააღმდეგეებს. რაც შეეხება იკერს, მას თამაშის საშუალება მხოლოდ ჩემპიონთა ლიგაზე ეძლევა და ცხადია, ის ყველაფერს აკეთებს, რომ რაც შეიძლება ნაკლები შეცდომა დაუშვას.

ჯგუფური ეტაპის გუნდი კი ასე გამოიყურება: იკერ კასილასი, მირანდა, მერტეზაკერი, მარკუინსი, მუჰამედ სალა, ლამი, რემსი, რობენი, რონალდუ, რუნი და იბრაჰიმოვიჩი.

ნიშანდობლივია ისიც, რომ საუკეთესოთა შორის არ იმყოფება ლიონელ მესი, რომელსაც რამდენიმე მატჩი გაუცდა, ხოლო დანარჩენ შეხვედრებშიც მან ვერაფრით მოიგო გულშემატკივართა გული. არგენტინელის მსგავსად, არც სხვა "ბლაუგნარელი" იმყოფება ხსენებულ ნაკრებში.

Goal.com