"მადრიდის რეალს" 2 გოლი აშორეს იქამდე, რომ გახდეს პირველი კლუბი, ვინც ევროტურნირებზე 800 გოლიან ნიშნულს მიაღწევს.

"მადრიდის რეალს" დღეს აქვს შანსი გახდეს პირველი კლუბი, რომელსაც ევროსარბიელზე 800 გოლი ექნება გატანილი. ამისთვის მას ორი გოლის გატანა ესაჭიროება. "თეთრებს" საკმაოდ ჩამორჩებიან მისი მდევრები: "ბაიერნი" (540 გატანილი გოლი), "ბარსელონა" (487 გატანილი გოლი), "მანჩესტერ იუნაიტედი" (463 გატანილი გოლი) და "მილანი" (415 გატანილი გოლი). "თეთრების" შემადგენლობაში პირველი გოლი ევროსარბიელზე გაიტანა მიგელ მუნიოსმა (08.09.1955 წელს), მე-100 გოლი ალფრედო დი სტეფანოს ანგარიშზეა (21/04/1960), მე-200 გოლი პუშკაშის (22/09/1965), მე-300 იენსენის (27/09/1978), მე-400 ლოსადას (07/11/1990), მე-500 გუტის (25/10/2000), მე-600 ბექჰემის (26/11/2003), ხოლო მე-700 გოლი კი 2010 წლის 03 ნოემბერს გაიტანა გონსალო იგუაინმა.