"მადრიდის რეალს" სურს, რომ სამხრეთის ტრიბუნაზე ისეთივე პერფომანსი იყოს , როგორიც "დორტმუნდის ბორუსიას" შეხვედრების დროს ამ უკანასკნელის გულშემატკივრები აკეთებენ, ოღონდ ამჟამად თეთრი ფერის.

"მადრიდის რეალი" უკვე მუშაობს სამხრეთის ტრიბუნის გადასხვაფერებისთვის. ეს ის ტრიბუნა, რომელიც 80-იანებიდან მოყოლებული ულტრას სურების მიერ არის დაკავებული. როგორც ჩანს, ულტრასებს დიდი ხნის დრო არ უწერიათ , სხვა თუ არაფერი, "სანტიაგო ბერნაბეუზე" მაინც. იმ სიტუაციამ, რაც "რეალ სოსეიდადთან" დაფიქსირდა, "თეთრების" მოთმინების ფიალა აავსო და კლუბმა გადაწყვიტა ჩამოაყალიბოს თავისი ახალგაზრდა მხარდამჭერების ჯგუფი.

"მადრიდის რეალი" არ აპირებს მომდევნო სეზონამდე ლოდინს. ეს ჩამოყალიბების პროცესი მომდევნო წელს დასრულდება და კონცეფცია მთლიანად შეიცვლება.

ახალი მოდელი ითვალისწინებს "დორტმუნდის ბორუსიას" ცნობილი "ყვითელი კედლის" კონცეფციებს.

ახალი სახე

"მადრიდის რეალს" სურს, რომ მხარდამჭერების ასაკი 35 წლამდე იყოს და მათი რაოდენობა შეძლებისდაგვარად ბევრი. ჯერ არავის არ გაუხმაურებია, თუ როგორ მოხდება შერჩევის პროცესი,

ცვლილებები მოკლე დროში ვერ განხორციელდება, მაგრამ უკვე მომდევნო სეზონის დასაწყისითვის სრულიად სახეცვლილ სამხრეთ ტრიბუნას ვიხილავთ..

"მადრიდის რეალი" ბოლო თვეების მანძილზე აქტიურად თანამშრომლობს სამართალდამცველებთან და შესაბამისად მათთვის უკვე ცნობილია ის ხალხი და ის ადამიანები, რომლებიც პოლიციას ხულიგნობის ბრალდებით ყავს რამოდენიმეჯერ დაპატიმრებულები. შესაბამისად ისინი ვერ მოხვდებიან შერჩეულთა შორის.