ბოლო პერიოდში ''რეალი'' ბრწყინვალე თამაშს აჩვენებს, ბოლო 7 მატჩიდან მადრიდელებმა ექვსში იმარჯვეს, ერთი კი ფრედ დასრულდა.

სამეფო კლუბზე უკეთესი შედეგი მხოლოდ პეპ გვარდიოლას ''ბაიერნს'' აქვს, მიუნხენელებმა უკანასკნელი შვიდი თამაშიდან ყველა მოიგეს. ლონდონის ''არსენალმა'' ექვსი მატჩი მოიგო, ერთი კი - დათმო. რაც შეეხება კატალონიელებს, მათ ანგარიშზეა ხუთი გამარჯვება და 2 მარცხი.

მიმდინარე სეზონში საშუალოდ ''რეალს'' თამაშში 3.1 გოლი გააქვს. ვერცერთი კლუბი ევროპის მასშტაბით ასეთი შედეგიანობით ვერ დაიკვეხნის. გთავაზობთ სხვა გუნდების საშუალო მაჩვენებელს: მანჩესტერ ''სიტი'' 2.88 გოლი, მადრიდის ''ატლეტიკო'' 2.65 გოლი , ''ბაიერნი'' 2.47 გოლი.