გარეთ ბეილი სეზონის სტარტზე ტრავმიანობის გამო მეტისმეტად არაეფექტური იყო, თუმცა როგორც ჩანს პრობლემები უკან მორჩა და უელსელი კარგ შედეგებს აჩვენებს...

ბეილმა მიმდინარე სეზონში უკვე 9 თამაშის ჩატარება შეძლო, თუმცა მას ყველა მათგანში 90 წუთი არ დაუყვია მოედანზე. უელსელმა ჯამში 632 წუთი ითამაშა და 7 გოლის გატანა მოახერხა, თუმცა ეს ყველაფერი არ არის. გოლების გატანასთან ერთად უელსელი მოთამაშე ბრწყინვალედ ახერხებს საგოლე პასების გაკეთებასაც, მის ანგარიშზე უკვე 6 ასისტია.

გარდა ლა ლიგის გოლებისა, გარეთი ჩემპიონთა ლიგაშიც ახერხებს თავის გამოჩენას, მის ანგარიშზე 4 შეხვედრაში 2 გოლი გახლავთ. ბეილის ჩემპიონთა ლიგის აქტივი 214 წუთით შემოიფარგლება, სწორედ აქედან გამომდინარეობს რომ უელსელს არც ევრო სარბიელზე აქვს შეხვედრები სრულად ჩატარებული.

საბოლოო ჯამში უელსელ მოთამაშეს მადრიდის რეალის მაისურით 13 მატჩი აქვს გამართული. აღსანიშნავია, რომ გამართულ დაპირისპირებათა 55%-ზე მეტში გარეთი სრულ 90 წუთს ვერ ასპარეზობდა, მიუხედავად ამისა მის ანგარიშზე 9 გოლი და 6 საგოლე გადაცემა გახლავთ, რაც თავისთავად შესანიშნავი შედეგია.