ფეხბურთელით ინგლისური პრემიერ-ლიგის რამდენიმე კლუბი ინტერესდება.

ორი ლონდონური კლუბი, "არსენალი" და "ტოტენჰემი", მადრიდის "რეალის" ახალგაზრდა ესპანელი ფორვარდით, ალვარო მორატათი ინტერესდებიან. ავტორიტეტული ბრიტანული გამოცემა The Daily Mail ამტკიცებს, რომ ესპანეთის ახალგაზრდული ნაკრების ფეხბურთელის ლონდონური კლუბები შეტევის გაძიერების სერიოზულ ვარიანტს ხედავენ.

მორატამ ჯერ-ჯერობით ვერა და ვერ მოახერხა ფეხის მოკიდება "სამეფო კლუბის" შემადგენლობაში, მან 11 მატჩი ჩაატარა და მეტოქის კარი მხოლოდ 2-ჯერ აიღო. კარლო ანჩელოტი უპირატესობას კარიმ ბენზემას ანიჭებს და ძირითად შემადგენლობაშიც სწორედ ფრანგი გვევლინება. თავის მხრივ, "თეთრები" მზად არიან გაუშვან მორატა, თუ ზამთრის სატრანსფერო ფანჯრის დროს თავდამსხმელს დაიმატებენ. მაგრამ არსებობს კიდევ ერთი "მაგრამ", კლუბი ფორვარდის გაშვებას მხოლოდ არენდით აპირებს.

წყარო