ქარიმ ბენზემას მადრიდის "რეალში" 96 გოლი დაუგროვდა...

როგორც ჩანს სეზონის დასაწყიში არც თუ ისე კარგად მოთამაშე ქარიმს კარლო ანჩელოტიმ რაღაც მოუხერხა, რამაც ფრანგის ათამაშება გამოიწვია. ბენზემამ უკანასკნელ 4 შეხვედრაში, რომელიც "ბლანკოსმა" "ლა ლიგაში" გამართა 5 გოლის გაიტანა. მან "სევილიას", "რაიოვალეკანოს", "სოსიედადისა" და "ალმერიას" კარის აღება მოახერხა. მსგავსი შედეგი(ანუ ზედიზედ 4 შეხვედრაში თავის გამოჩენა) ქარიმს მხოლოდ სადებიუტო სეზონშ ჰქონდა. მაშინ 26-ე ტურიდან მოყოლებული 29-ეს ჩათვლით ფრანგმა "მალაგას", "რასინგს", "ჰერკულესსა" და "ატლეტიკოს" გაუტანა.

თუკი ბენზემამ შედეგიანობა ასე გააგრძელა მალე ის მადრიდის "რეალში" 100 გოლიან ნიშნულსაც მიაღწევს. ფრანგს ამისთვის მხოლოდ 4 გოლიღა აკლია. იმის გათვალისწინებით, რომ უახლოეს შეხვედრებში სამეფო კლუბს არც თუ ისე რთული მეტოქეები ეყოლება, ძნელად სავარაუდო სულაც არაა, რომ ეს მიმდინარე წლის დასასრულამდეც მოახერხოს.

წარმატებები ვუსურვოთ ქარიმს...