როგორც დაანონსებული იყო, ჩემპიონთა ლიგის განვლილ პაექრობაში, „ბერნაბეუზე“ შეკრებილმა ინჩასებმა განსაკუთრებული მხარდაჭერა გამოხატეს პორტუგალიელის მიმართ.

მსაჯის სასტარტო სასტვენამდე, ყველაზე პრესტიჟული საკლუბო ტურნირის ჰიმნის აჟღერებისას, ქომაგებმა ჩრდილოეთ ტრიბუნაზე დიდი ბანერი აღმართეს - „ოქროს ბურთი“ რონალდუს, ხოლო მატჩის 77-ე წუთზე, შეძახილების თანხლებით, 45 ათასმა ფანმა, კრიშტიანუს გამოსახულებიანი ნიღბები ააფრიალა.