ფრანგი თავდასხმელის ბოლოდროინდელი პროგრესი ყველასთვის თვალშისაცემია.

მადრიდელი ინჩასები, „რეალის“ თამაშების დასრულის შემდეგ, ბენზემას ლანძღვა-გინების ნაცვლად, მის გოლებსა და ასისტებზე საუბრობენ.კარიმი რონალდუსთან და ბეილთან ერთად, შესანიშნავ ტრიოს ქმნის.მათ ანგარიშზე ბოლო 14 დაპირისპირებაში 30 გოლი და უამრავი საგოლე პასია.

ევროპის ყველაზე პრესტიჟული საკლუბი ტურნირი, ბენზემასთვის საკმაოდ კომფორტული გათამაშებაა, სადაც 57 შეხვედრაში 33 ბურთს მოითვლის.ჯერჯერობით, მიმდინარე ლიგაზე მხოლოდ 2 გოლით იჩენს თავს, თუმცა დარჩენილ დაპირისპირებებში შედეგის გაუმჯობესებას აპირებს.რონალდუს არყოფნის პირობებში, ის და ბეილი დამატებითი მოტივაციით იასპარეზებენ.

აღსანიშნავია, რომ „ცხრიანმა“ თავისი გამოსვლა „მამალთა“ რიგებშიც გამოასწორა.ბრაზილიის მუნდიალის საგზურის მოპოვებაში, მას ლომის წვლილი მიუძღვის.

ერთი სიტყვით, მშიერი ბენზემასგან მხოლოდ გოლებს უნდა ველოდოთ.

marca.com