"გალამ" "სივასპორი" დაამარცხა...

ოთხშაბათს, თბილისის დროით 23:45 საათზე გაიმართება "ჩემპიონთა ლიგის" ჯგუფური ეტაპის მატჩი, სადაც "ბერნაბეუზე" ერთმანეთს "გალათასარაი" და მადრიდის "რეალი" დაუპირისპირდებიან. "რეალის" ბრწყინვალე გამარჯვების შემდეგ "ალმერიას" წინააღმდეგ, სტამბოლურმა გრანდმაც იმარჯვა "სივასპორთან".

იტალიელი მწვრთნელის, რობერტო მანჩინის შეგირდებმა მატჩში წინ გასვლა 13-ე წუთზე, ბურაქ ილმაზის გოლის წყალობით მოახერხეს, მაგრამ 21-ე წუთზე, "გალას" ფეხბურთელმა ნოუნკეუმ მეორე ყვითელი მიიღო და მოედნიდან გააძევეს. ამის შემდეგ, 31-ე წუთზე, მადრიდის "რეალის" ყოფილი ფეხბურთელის, რობერტო კარლოსის "სივასპორმა" 10 კაციანი "გალათასარაის" კარი აიღო. თუმცა ხუთ წუთში, მატჩის 36-ე წუთზე, სელჩუკ ინანმა პენალტი გამოიყენა და გუნდი წინ გაიყვანა. ამის შემდეგ მატჩში ანგარიში აღარ შეცვლილა.