ბერნაბეუზე გრანდიოზული მოზაიკა აღიმართება...

როგორც მოგეხსენებათ, ოთხშაბათს, ჩემპიონთა ლიგის ჯგუფური შეხვედრა გაიმართება, სადაც ერთმანეთს მადრიდის "რეალი" და სტამბულის "გალათასარაი" დაუპირისპირდებიან. მადრიდის "რეალის" გულშემატკივრებმა რონალდუს მხარდასაჭერად შემდეგი რამ მოიფიქრეს. ამ მატჩში გუნდის ფანები დაარიგებენ 45.000 ნიღაბს, რომელიც შემდეგ წარმოქმნის კრიშტიანუ რონალდუს მოზაიკას. მოზაიკაზე ასევე იქნება წარწერა, რომელზეც ეწერება: ჩვენ, ყველა კრიშტიანუ ვართ! (Todos somos Cristiano).

ეს მოზაიკა ძალზედ დიდი იქნება და რონალდუს სახეს კარგად წარმოგვიდგენს. ეს იდეა "რეალის" ერთ-ერთ ფან-კლუბს ეკუთვნის, რომლებმაც სხვა გულშემატკივრებსაც მიმართეს ამ მიზნით და დადებითი პასუხიც მიიღეს. ფანებმა ეს გეგმა გუნდის ხელმძღვანელობასაც გააცნეს და მათგანაც მიიღეს დასტური.

ინფორმაციის წყარო: AS