ალმერიას მარჯვენა მცველის, ნელსონ აუგუსტოს განცხადებით, მადრიდის რეალთან თამაში მის გუნდს ძალიან გაუჭირდება, მაგრამ ალმერიელებს სატურნირო ცხრილი არ აძლევთ იმის საშუალებას, რომ ქულების დაკარგვაზე იფიქრონ...

"ჩვენ ურთულეს სიტუაციაში ვიყავით და აქტივში მხოლოდ 9 ქულა გვეწერა, თუმცა წინა ტურში გამარჯვება მოვახერხეთ, თანაც სტუმრად, ეს ძალიან სასიამოვნო იყო, მოგების სატურნინო ცხრილის ფსკერს თავი დავაღწიეთ, მაგრამ მაინც რთულ მდგომარეობაში ვიმყოფებით."

"ვიცით, რომ ანჩელოტის გუნდს ყოველთვის აქვს საჩემპიონო ამბიცია, ისინი ლიდერს 6 ქულით ჩამორჩებიან და ყველა თამაშის მოგება აქვთ მიზნად დასახული, თუმცა ჩვენ ჩვენი თამაში უნდა ვითამაშოთ და თუნდაც 1 ქულის მოსაპოვებლად ვიბრძოლოთ."

"13 ტურის შემდეგ 12 ქულა მეტისმეტად ცუდი შედეგია, იმედს გამოვთქვამ 14 ტურის შემდეგ, ჩვენ 15 ქულას გვეწერება აქტივში,ეს იქნება საუკეთესო შედეგი, თუმცა ამისთვის დიდი ბრძოლა მოგვიწევს."