დღეს მადრიდის "რეალი" "ვალდებებასის" ბაზაზე მორიგ ვარჯიშს გამართავს 16:30 წუთზე.

სანაკრებო შეხვედრების დასრულების შემდეგ ლა ლიგა ისევ წინა პლანზეა. მადრიდელები ემზადებიან შაბათს "რასინგთან" გასამართი მატჩისთვის, რომელიც "სანტიაგო ბერნაბეუზე" გაიმართება. ნაკრებებიდან ფეხბურთელები დაბრუნდნენ. რაულ ალბიოლს მარცხენა მუხლზე პრობლემა აქვს.

"სამეფო კლუბი" იწყებს მზადებას "რასინგის" წინააღმდეგ სათამაშოდ. მანუელ პელეგრინის შეგირდები დღეს 16:30 წუთზე მორიგ ვარჯიშს გამართავენ. ჩილელ სპეციალისტს ნაკრებში წასული ფეხბურთელები დაუბრუნდა – პეპე, ბენზემა, ლასი, კასილასი, არბელოა, რამოსი, ალბიოლი, ხაბი ალონსო, ვან დერ ვაარტი.

პირველად გუნდს შეუერთდნენ ფერნანდო გაგო და გონსალო იგუაინი. მათ მიიღეს მონაწილეობა ესპანეთის წინააღმდეგ შეხვედრაში. კაკა გუნდს ოთხშაბათს დაუბრუნდა. ის ბრაზილიის ნაკრებთან ერთად ინგლისსა და ომანს დაუპირისპირდა და ორივე გუნდის დამარცხებაში მიიღო მონაწილეობა.

კრისტიანო რონალდოს დაბრუნება ყველაზე სასიხარულოა. პორტუგალიელი გამოჯანმრთელდა და მზადაა მოედანზე გამოსასვლელად. ფეხბურთელმა ამ კვირაში ბურთთან ერთადაც ივარჯიშა.


ინფორმაციის წყარო: Realmadrid.com