ანტონიო ადანი ამაყობს იმით, რომ იგი წლების მანძილზე იკერ კასილასთან ერთად მუშაობდა და უდიდეს გამოცდილებას იღებდა.

რატომ აირჩიეთ "კალიარი"?
"მას შემდეგ, რაც მადრიდის "რეალიდან" წავედი თავისუფალი აგენტის სტატუსით, მქონდა ბევრი შემოთავაზება, თუმცა მათგან არც ერთი არ იყო მისაღები ჩემთვის, გარდა იტალიელების შემოთავაზებისა. მინდოდა, გამოცდილება მიმეღო ქვეყნის გარეთ, იტალია კი ამისთვის შესანიშნავი ვარიანტია, რადგან იტალიის ჩემპიონატი ერთ–ერთი ყველაზე კონკურენტუნარიანია. მე ძალიან ბედნიერი ვარ".

როგორ გაიხსენებდით ჟოზე მოურინიოსთან მუშაობის პერიოდს და როგორ შეაფასებდით მას?
"მე კარგი გამოცდილება მივიღე. მასთან მუშაობით ბევრი ვისწავლე. ჟოზეს აქვს თავისი საკუთარი მეთოდები, აქვს რა თქმა უნდა, კარგი და ცუდი თვისებებიც, მაგრამ საბოლოო ჯამში მისგან მხოლოდ კარგს იღებ. ყოველთვის ვცდილობდით, რომ მისგან მხოლოდ და მხოლოდ კარგი აგვეღო".

და ბოლოს, ანტონიომ განაცხადა:იკერ კასილასი, ვან დერ საარი და ბუფონი ჩემთვის სამაგალითონი არიან. თუმცა ამ სამიდან უპირატესობას იკერს ვანიჭებ და ვთვლი, რომ იგი არის უკანასკნელი 5 წლის საუკეთესო კიპერი. მე ბედნიერი ვარ იმით, რომ მასთან ერთად ვმუშაობდი, ეს ჩემთვის დიდი გამოცდილება იყო".

წყარო: Defensacentral.com