ფრანგული "პარის სენ-ჟერმენი" შვედმა თავდამსხმელმა, ზლატან იბრაჰიმოვიჩმა, თავისი მოსაზრებები გაგვიზიარა იმ ფეხბურთელებზე, რომლებიც "ოქროს ბურთის" მოგების მთავარი პრეტენდენტები არიან, იტყობინება გერმანული პრესა.

შვედეთის ეროვნული ნაკრების ფეხბურთელმა ისაუბრა მადრიდის "რეალის" თავდამსხმელზე, კრიშტიანუ რონალდუზე, კატალონიის "ბარსელონას" ფორვარდზე, ლიონელ მესიზე და მიუნჰენის "ბაიერნის" ნახევარმცველზე, ფრანკ რიბერიზე.

"რიბერიმ გასულ სეზონში შესანშნავი ფეხბურთი აჩვენა. მან ყველა ტურნირი მოიგო, რომელშიც მონაწილეობას იღებდა, ის გუნდში ცენტრალურ როლს თამაშობდა. მესი - დიდი ნიჭის მატარებელი, ღვთისგან ბოძებული. ის არ არის სავარჯიშო პროდუქტი. რონალდუ კი ყველაფერს აკეთებს, წარმოუდგენლად კარგად. ისინი ყველა ძალიან მაღალი დონის ფეხბურთელები არიან", - განაცხადა იბრაჰიმოვიჩმა.