გამოცემა „მარკაში,“ „რეალის“ ბასკი საყრდენი, კინოფილმ Pulp Fiction-ის მთავარ გმირს შეადარეს, რომელიც ამბობს, რომ „ის ვინსტონ ვოლფია და ნებისმიერი პრობლმების მოგვარება ძალუძს.“

ბუნებრივია, ეკრანზე და დადგმულ სცენარში გაცილებით მარტივად ვითარდება მოვლენები, ვიდრე რეალურ ცხოვრებაში, კონკრეტულად საფეხბურთო მწვანე მინდორზე, სადაც ჩაბისთვის მართლაც არარსებობს დაბრკოლება.

გავიხსენოთ, პრე-სეზონის ეტაპი, როდესაც ბევრმა ქომაგმა უკვე პენსიაზეც კი გაუშვა ალონსო და ის რეაქციების შენელებასა და სისწრაფის დაკლებისათვის დაადანაშაულეს.მეტიც, ბევრი მადრიდისტა მის ადგილს ანჩელოტის ფორმაციის „რეალში“ ვეღარ ხედავდა და ახალ გუნდს ეძებდნენ ალონსოსთვის.მოკლედ, ასეა თუ ისე, სეზონიც დაიწყო, ხოლო ბასკი ლაზარეთიდან ადევნებდა „ბლანკოსის“ საკმაოდ სუსტ და უნიათო თამაშს, როგორც ნახევარდაცვის რგოლში, ასევე უფრო უკან.როდესაც პრობლემების გაანალიძებაზე დაიწყო საუბარი, მყისვე ტრავმირებული ალონსო გაახსენდათ და მის ჯანმრთელობის მდგომარეობაზე, უფრო მეტმა ფანმა და ჟურნალისტმა დაიწყო ზრუნვა.

გარკვეული პერიოდის შემდეგ, ალონსოც დაბრუნდა, რომელსაც ანჩელოტიმ მოედანზე მოთამაშე მწვრთნელი უწოდა.ალბათ, ზედმეტია მის ღვაწლზე საუბარი და დეტალებში განხილვა, რამეთუ ყველამ იცით, როგორ შეიცვალა სიტუაცია ესპანელების გამოჯანმრთელებით, რომელმაც ჩინებულრად მოირგო 4-3-3 ტაქტიკა და 232 სათამაშო წუთში, 137 პასი გააკეთა (მხოლოდ 21 შემთხვევაში შეცდა).ვფიქრობ, დაგამახსოვრებოდათ, მისი რამდენიმე შორეული გადაცემის ხელოვნება.

მადრიდში მიიჩნევენ, რომ ალონსოს დახმარებით, ღმერთმა განსაცდელში მყოფ ანჩელოტის დახმარების ხელი გაუწოდა.როგორც არ უნდა იყოს, მთავარია, რომ ჩაბი ჩვენთანაა.ბოლო 4 მატჩში მან ყველაფერი დაამტკიცა, ჯერი „რეალზეა,“ რომელმაც საწრაფოდ ფეხბურთელისთვის ახალი კონტრაქტის შეთავაზება უნდა იფიქროს.