წინასასეზონო მომზადების პერიოდის ჩაგდების გამო, გარეთ ბეილი „რეალის“ საწყის მატჩებში საშინლად გამოიყურებოდა.

წარუმატებელ თამაშს, რამდენიმე მინი ტრავმაც დაემატა, რამაც ბუნებრივია, ფეხბურთელის ფსიქოლოგიურ მდგომარეობაზე ძალიან იმოქმედა, თუმცა უელსელს, რომელიც ყოფილი რაგბისტია, ფარ-ხმალი არ დაუყრია და შედეგიც სახეზეა.

განვლილ 4 დაპირისპირებაში, კარლო ანჩელოტიმ სრული ნდობა გამოუცხადა ბეილს და ამ უკანასკნელმაც, იმედები არ გაუცრუა დამრიგებელს.„სევილიასთან,“ „რაიოსთან,“ „იუვესთან“ და „სოსიედადთან“ 91 მილიონად შეფასებულმა ფეხბურთელმა შემდეგი შედეგი დადო: 4 გოლი და 5 ასისტი (!), რაც უწინარესად, გარეთის ძალების მოკრებაზე მეტყველებს.

სასიხარულოა, რომ მატჩების დასრულების შემდეგ, გუშემატკივრები არა ბეილში გადახდილ თანხაზე, არამედ მის წარმატებულ თამაშზე საუბრობენ, თუმცა ეს მხოლოდ დასაწყისია.„მფრინავი“ ბეილი დაბრუნდა!

marca.com