„რეალ სოსიედადის“ დამრიგებელმა ხაგობა არასატემ, „რეალთან“ დაპირისპირებამდე პრესკონფერენცია გამართა.

ჯერ მანჩესტერი, ახლა რეალი: „„იუნატედი“ და „ბლანკოსი“ რადიკალურად განსხვავდებიან ერთმანეთისაგან.ორივე ფიზიკურად ძლიერია, მაგრამ ინგლისელებმა გაცილებით უკეთესად იციან თავდაცვა, ხოლო რაც შეეხება შეტევას, აქ პირიქითაა.“

დაცვა თუ თავდასხმა: „ვეცდებით, რომ „ბერნაბუზე“ ორივე კომპონენტში ეფექტურები ვიყოთ.“

მოურინიო ანჩელოტის წინააღმდეგ: „ყოველთვის ადვილია მხარეების შედარება, თუმცა ფაქტია, რომ ამჟამინდელი ფორმაციის მადრიდი ბევრ გოლს უშვებს, თუმცა წინ ძალიან ძლიერები არიან.“

მადრიდელთა კრიზისი: „(იცინის).ბოლო 2 საშინაო მატჩში, „რეალმა“ თამაშის საშუალება არ მისცა „მალაგას,“ ხოლო „სევილიას“ 7 გოლი გაუტანა.მათ ბრწყინვალე შემადგენლობა ჰყავთ, რომელშიც მსოფლიო დონის ფეხბურთელები ირიცხებიან.ვფიქრობ, ისინი შეტევაში შეუჩერებელნი არიან და ეს არა ერთხელ დაამტკიცეს.“~

ბეილი, ბენზემა და რონალდუ: „სამი დიდებული მოთამაშე, რომელთ განეიტრალებაც ურთულესია.მაქსიმალურად ვეცდებით, სივრცეების ჩაკეტვასა და თამაშში ხელის შეშლას.“

ილიარამენდი: „ცოტა უცნაურია, რომ ის საწინააღმდეგო მხარეს იმყოფება.ბუნებრივია, მასთნ კარგი ურთიერთობა გვაქვს, მაგრამ მოედანზე ყველაფერი დავიწყებას მიეცემა.“

გრანერო: „ესტებანს ხშირად ვესაუბრები.ის განიცდის თავის ტრავმას.უნდა აღინიშნოს, რომ გრანერო ნამდვილი მადრიდისტაა.მისგან ხშირად ვიღებთ რჩევებს სხვა გუნდების შესახებ.“


as.com