მას შემდეგ, რაც კრიშტიანო რონალდო მადრიდის რეალში ირიცხება, სამეფო კლუბი რაიო ვალეკანოს რამდენჯერმე შეხვდა, მათ შორის „ვალეკასზე“, რომელიც რაიოს საშინაო არენა გახლავთ...

პორტუგალიელმა ვალეკასზე ორი შეხვედრა გამართა და ორივეში მოახერხა გოლის გატანა, ერთ-ერთ შეხვედრაში რონის გოლი ერთადერთი იყო, რომელმაც „ბლანკოსს“ 3 ქულა ჩაუწერა აქტივში.

ჯამში ოქროს ბურთის ერთ-ერთ პრეტენდენტს „რაიო ვალეკანოს“ კარში 5 გოლი აქვს გატანილი, სტუმრად 2-ჯერ აღებულ კარს ბერნაბეუზე შესრულებული ჰეთ-თრიკი ემატება, ის შეხვედრა „მერენგებმა“ გამანადგურებელი ანგარიშით 6-2 მოიგეს.