კელპერ პეპეს განცხადებით ოქროს ბურთის მოპოვების მთავარი კანდიდატი კრიშტიანო რონალდო უნდა იყოს, რადგან წინა და მიმდინარე სეზონებში პორტუგალიელი არაამქვეყნიურ შედეგებს დებს...

„არ მესმის იმ ხალხის ვინც თვლის, რომ რონი საუკეთესოობას არ იმსახურებს. გადახედეთ მის სტატისტიკას, რომელიც მას მადრიდის რეალში აქვს, ვიმეორებ საუბარი სამეფო კლუბზეა, სადაც თითოეულ მოთამაშეს უდიდესი ფსიქოლოგიური წნეხის ქვეშ უწევს ასპარეზობა, განსაკუთრებით ამის თქმა სწორედ ჩემ თანამემამულეზე შეიძლება, რომელშიც თავის დროზე ფლორენტინო პერესმა ასტრონომიული თანხა გადაიხადა, რამაც ზეწოლა ერთი-ორად გაზარდა.“

„როგორც ლა ლიგაში, ასევე ჩემპიონთა ლიგის ჯგუფურ ეტაპზე რონალდო ლიდერობას ინარჩუნებს. 3 შეხვედრაში 8 გოლი, დამეთანხმებით ბრწყინვალე შედეგია, რომლის გამოცხობაც მხოლოდ რჩეულებს შეუძლიათ.“

„კრიშტიანო როგორც სამეფო კლუბში, ასევე ეროვნულ ნაკრებში წამყვან ფიგურად ითვლება, მის გარეშე ჩვენი გუნდები გაცილებით უფრო სუსტები აღმოჩნდებოდნენ.“