"სევილიასთან" შესრულებული ჰეთ-ტრიკით რონალდუ სამეფო კლუბის მე-5 ბომბარდირი გახდა პრიმერა დივიზიონში..

მას ახლა 158 გოლი აქვს ლა ლიგაში გატანილი, 2-ით მეტი, ვიდრე პუშკაშს. მოგეხსენებათ, "რეალის" ლეგენდამ ამ შედეგის მიღწევა 1958-1966 წლებში შეძლო. პორტუგალიელ ვარსკვლავს ლა ლიგაში საოცარი სტარტი აქვს: მან 11 მატჩში მეტოქის კარის აღება 11-ჯერ შეძლო.

რონალდუ მატჩში დაახლოებით 1.08 გოლს იტანს. მას პუშკაშის გადასწრებისთვის 146 მატჩი დასჭირდა, მაშინ, როდესაც პუშკაშმა 156 გოლი 180 მატჩში გაიტანა. რონალდუმ პრიმერა დივიზიონში ყველაზე მეტი გოლი 2011/12 სეზონში გაიტანა. ახლა რონალდუს წინ იმყოფება უგო სანჩესი, რომლის ანგარიშზეც 164 გოლია.