როგორც ცნობილია, ბრაზილიის ეროვნულმა ნაკრებმა, რომელსაც სათავეში დუნგა უდგას, უკვე კარგა ხნის წინ გადაწყვიტა მსოფლიოს 2010 წლის მუნდიალზე ასპარეზობის საკითხი.სამხრეთ ამერიკელები მუნდიალზე გარანტირებული ადგილის მოპოვების შემდეგ, მსოფლიოს სხვადასხვა წერტილებში სპარინგობენ.

შეგახსენებთ, რომ გასულ უექმეებზე მათ ყატარში ინგლისის ეროვნულ გუნდთან გააგორეს ბურთი ამხანგურად.დუნგას შეგირდებმა მინიმალური ანგარიშით შეძლეს ბრიტანელების დაცემა.

ამჯერად მსოფლიოს ხუთგზის ჩემპიონი აზიაში იმყოფება, სადაც ომანის ეროვნული გუნდის წინააღმდეგ ჩაატარებს ამხანაგურ მატჩს.შეხვედრა დღეს გაიმართება, ომანის დედაქალაქ მუსკატში.აღსანიშნავია, რომ ეს გუნდები პირველად ხვდებიან ერთმანეთს, საფეხბურთო ისტორიაში.

ომონელთა რიგებიდან მხოლოდ ორი გამოკვეთილი ფეხბურთელის გამოყოფა შეიძლება.ესენი არიან "ბოლტონის" ფეხბურთელი ალ-ჰაბსი და ბელგიის ჩემპიონატში მოასპარეზე ალ-ოსნი.აღნიშნული ქვეყნის ნაკრები, "კოკა კოლის" რეიტინგში 79-ე პოზიციას არის მიჯაჭვული, ხოლო ბრაზილია კი მეორე საფეხურს (პირველი "ფურია როხაა.")

პრესა ვარაუდობს, რომ აღნიშნული შეხვედრა კარგი შანსი იქნება ახალგაზრდა სამხრეთ ამერიკელი ფეხბურთელებისათვის თავის გამოჩენად.სავარაუდოდ, დუნგა მოედანზე გაამწესებს იმ ბიჭებს, რომელთა სათამაში დრო მინიმალურია.რაც შეეხება ჩვენს კაკას, ის ალბათ, სათადარიგო სკამზე დარჩება.