კარლო ანჩელოტის გადაწყვეტილებით, ბოლო 2 შეხვედრაში, მალაგელმა შემტევმა ნახევარმცველმა მეორეხარისხოვან ფეხბურთელთა რიგებში გადაინაცვლა.

მოგეხსენებათ, მადრიდელმა ახალწვეულმა სეზონი საკმაოდ ხმაურიანად დაიწყო.საგოლე გადაცემებთან ერთად, რამდენჯერმე მეტოქის კარის აღებაც მოახერხა, რამაც სეზონის სტარტზე, სამეფო კლუბს სატურნირო ცხრილში ქულები მოუტანა.აქედან გამომდინარე, ქომაგებში გაოცებას იწვევს იტალიელი სპეციალისტის გადაწყვეტილება მასთან დაკავშირებით.

ფეხბურთელს, რომელიც მიმდინარე სეზონში, კრიშტიანუ რონალდუსთან ერთად შედეგიანობით გამოირჩევა, ორ ერთმანეთზე მნიშვნელოვან დაპირისპირებაში, კარლიტომ მხოლოდ მწირი დრო დაუთმო.ცნობისთვის, ისკო „ბებერ ქალბატონთან“ მეორე ნახევარში შემოვიდა „ბერნაბეუზე,“ ხოლო „ნოუ კამპზე“ სკამიდანაც კი არ წამომდგარა.

ჯერჯერობით უცნობია, ახალგაზრდა მოთამაშემ მწვრთნელის ნდობა დაკარგა, თუ ის მხოლოდ განსაკუთრებული შემთხვევებისთვის მორგებულ ტაქტიკაში ვერ ჩაჯდა.ყველაფერს დრო გვიჩვენებს.

marca.com